文地貓 縮骨遮＋吸水遮袋

縮骨遮

好多好多年無出縮骨遮了，文地今年落足心機設計呢把全新縮骨遮。
全彩色印刷，每一面嘅插圖都唔同，裡面包括咗一個米高與小鳥嘅小故事，仲有三貓頭同三貓pat pat，so lovely！
打開遮裡面都可以見到圖案，落雨擔住時睇到心情都好啲！
呢把唔係自私遮，可以遮到 2 個身材適中嘅人。
重量 290g，唔係超輕遮（但都唔算重），全因為遮骨實淨，大風大雨時都唔驚反遮。

 吸水遮袋

每次落雨，最憎入室內收遮時滴哂水，鬼咁狼狽，如果用一次性透明塑膠遮袋，又極之唔環保。
呢個吸水遮袋，襯返縮骨遮嘅設計，靚仔之餘好輕身，摺埋之後細過部電話。
面料係優質耐磨防水物 PU 布，好跣水，中間再加咗層防水物料，入面係吸水毛巾料，再加埋防水拉鏈 ，吸水防滲，滴水不漏。
吸水遮袋除咗用嚟放濕遮，仲可以用嚟放冷熱飲品，一物二用。
袋身有手帶及爬山扣，鍾意點掛點扣都可以，真係清爽又方便。